Fyrsti kynningarfundur hins sjálfsprottna stjórnlagaþings
Það var í dag (föstudag) sem við héldum fyrsta kynningarfundinn um "Sjálfsprottið stjórnlagaþing fólksins í landinu". Fundurinn var haldinn í formi hádegisfyrirlestrar í Iðnó þar sem gestir gæddu sér á súpu og brauði meðan á kynningu stóð. Gunnar Sigurðsson útskýrði hugmyndir að baki þessu stjórnlagaþingi auk þess sem Sigurður Hr. Sigurðsson var honum til halds og trausts.
Áhersla er lögð á það tækifæri sem þjóðin sjálf hefur í höndunum á þessum tímapunkti og þá möguleika sem í stöðunni eru til þess að semja nýja stjórnarskrá og um leið sáttmála sem þjóðin gæti sameinast um. Svona vinnubrögð eru ekki óþekkt erlendis frá þar sem almenningur tekur virkan þátt í stefnumörkun og ákvarðanatöku og mætti hreinlega telja með ólíkindum ef þjóð á stærð við Ísland nýtti sér ekki slíkt í meira mæli. Velt var upp kostum og göllum hugmyndarinnar og tóku gestir virkan þátt í umræðunni.
Lesa meira Fyrsti kynningarfundur hins sjálfsprottna stjórnlagaþings
Eru Alfa og Beta geislar orsök vandamála, samskiptaleysis og slæmrar heilsu okkar ?
Það eru merkilegir hlutir að gerast í Húsinu í þessari og næstu viku.
Andrés Zoran Ivanovic sérfræðingur og mikill áhugamaður um orkusvið í umhverfi okkar mun halda opna fyrirlestra á vegum Biokibernetica eftirfarandi daga:
Föstudaginn 19.mars kl. 20
Þriðjudaginn 23.mars kl. 20
Fimmtudaginn 25.mars kl. 20
Biokibernetika - það er ástæða fyrir öllu
Lesa meira Eru Alfa og Beta geislar orsök vandamála, samskiptaleysis og slæmrar heilsu okkar ?
Ísland Panorama í Húsið
Það er okkur sönn ánægja að tilkynna það að samtökin Ísland Panorama hafa fengið viðvarandi skrifstofuaðstöðu í Húsinu að Höfðatúni 12. Grasrótarhópar hafa verið að vinna að fjölbreyttum verkefnum í Húsinu auk þess sem nokkur félagasamtök hafa haft þar fundaraðstöðu. Hins vegar eru samtökin Ísland Panorama fyrst grasrótarhópa til að nýta sér skrifstofupláss í Húsinu.
Ísland Panorama eru grasrótarsamtök sem standa vörð um fjölbreytni og vinna gegn mismunun. Þau hafa það að markmiði að beita sér í baráttunni gegn fordómum, útlendingafælni/hatri og hverskonar mismunun á grundvelli trúar, útlits eða uppruna. Til þess að ná settu marki hyggjast samtökin Ísland Panorama einbeita sér að því auka skilning og efla gagnkvæma virðingu milli fólks af ólíkum uppruna, sem búsett er á Íslandi. Samtökin eru opin öllum þeim sem hafa áhuga á málefninu og hafa löngun og vilja til að vinna að fyrrgreindum markmiðum. Samtökin eru óháð öllum stjórnmálaflokkum og stjórnmálastefnum. Þau hyggjast fjármagna starfsemina með því að leita eftir styrkjum jafnt frá einkaaðilum sem opinberum sjóðum.
Landsmenn semji sína eigin stjórnarskrá
Það var líf og fjör í Húsinu í gærkvöldi þegar haldinn var opinn fundur um margboðað stjórnlagaþing. Mæting var góð og fylltust fundargestir miklum eldmóði við þær framsögur sem fluttar voru.
Fjórir frábærir frummælendur stigu á stokk og ræddu um stjórnlagaþing og stjórnarskrár, hver á sinn hátt.
Geir Guðmundsson, verkfræðingur og verkefnisstjóri er ekki maður sem farið hefur mikið fyrir í umræðunni en hefur engu að síður gengið með hugmyndir um stjórnlagaþing í kollinum í mörg ár. Hann flutti gríðarlega áhugaverða framsögu um stjórnkerfið og möguleikann á því að landsmenn sjálfir myndi með sér félag um sjálfsprottið stjórnlagaþing. Slík hugmyndafræði er þekkt innan stjórnmálafræðinnar og kallast „Deliberative democrazy“ eða „Umræðu lýðræði“. Þessar hugmyndir Geirs hlutu afar góðan hljómgrunn meðal fundargesta og var greinilegt að fólk hafði svipaðar hugmyndir í kollinum, með mismunandi útfærslum þó.
Sjálfsprottið stjórnlagaþing - Opinn fundur
Sjálfsprottið stjórnlagaþing
-Nýr samfélagssáttmáli-
Fimmtudaginn 11.mars kl. 20 verður blásið til opins fundar um stjórnlagaþing í Húsinu að Höfðatúni 12 í Reykjavík.
Frummælendur verða:
Aðalheiður Ámundadóttir, meistaranemi í lögfræði við Háskólann á Akureyri. – Frumvarp forsætisráðherra um ráðgefandi stjórnlagaþing: Umfjöllun og gagnrýni.
Geir Guðmundsson, verkfræðingur og verkefnisstjóri. – „Hugleiðingar áhugamanns um sjálfsprottið stjórnlagaþing allra landsmanna“.
Dr. Elvira Mendez Pinedo, dósent í Evrópurétti við Háskóla Íslands. – Frelsi, jafnrétti og bræðralag. - „Geta Íslendingar lært af Evrópusögunni?“
Dr. Matej Accetto, prófessor við University of Ljubljana. – A new Constitution for a new country. – „What can we learn from the Slovenian constitutional process?“
Eftirtaldir aðilar verða í pallborði auk frummælenda:
Hörður Torfason, tónlistarmaður.
Hjörtur Hjartarson, áhugamaður um stjórnlagaþing.
Fundarstjóri verður Gunnar Sigurðsson.
Allir velkomnir !
Facebook-síða fundarins er HÉR
Síða 1 af 12