………til að hafa áhrif. 

Málefnavinnan fyrir aðalfundinn er að fara í gang.  Vinnunni verður skipt niður í þrennt.

3 hópar skoða alla málaflokka sem þeir kjósa út frá 3 mismunandi forsendum, þ.e. umhverfislegum, félagslegum og efnahagslegum. Á 3 vikum skila hóparnir tillögum sínum og að því loknu setjast fulltrúar hópanna saman og ganga frá stefnu fyrir hvern málaflokk fyrir sig

Fjallað verður um stefnumál BH í hverjum hópi fyrir sig út frá þeim útgangspunkti sem heiti hópsins segir til um.

Við munum hittast í Húsinu, Höfðatúni 12 sem hér segir:

Mánudag             23.08.    Kl. 20:00-22:00  Hópur 1  - Umhverfis

Þriðjudag             24.08.    Kl. 20:00-22:00  Hópur 2  - Félags

Miðvikudag        25.08.    Kl. 20:00-22:00  Hópur 3  - Efnahags

Ef þú vilt hafa áhrif á stefnumótun Borgarahreyfingarinnar láttu þá endilega sjá þig.  

Allir geta verið með.  Engin skráning, bara mæting.

Niðurstöður þessarar hópavinnu verða lagðar fyrir aðalfundinn til samþykkis.

Lesa meira Þinn tími er kominn.......

Borgarahreyfingin lýsir yfir furðu og áhyggjum vegna metnaðarleysis margra íslenskra fréttamiðla og skorts á rannsóknarblaðamennsku.

Í kjölfar útkomu Rannsóknarskýrslunnar hefðu fjölmiðlarnir átt að fara í naflaskoðun og berja í brestina eftir góðærismeðvirkni og almennan sofandahátt. Enn sem komið er bólar þó lítið á sjálfsgagnrýni og breytingum til batnaðar. Flestir fréttamiðlar eru lítið annað en endurvarp háværra sérhagsmunahópa og misviturra álitsgjafa. Magn er ekki það sama og gæði.

Sú óskiljanlega ákvörðun fréttastjóra RÚV að láta einn hæfasta liðsmann stofnunarinnar, Kristinn Hrafnsson, taka pokann sinn á tímum sem þessum er aðför að lýðræðinu í landinu. Réttar og óháðar upplýsingar verða að vera grundvöllur umræðu og forsenda þess að almenningur geti áttað sig á stöðu mála. Ríkar kröfur eru gerðar til fjölmiðils í opinberri eigu sem ætla má að almenningur beri traust til að miðli nákvæmum og óbrengluðum upplýsingum. Þvi miður virðast stjórnendur RÚV ekki vera starfi sínu vaxnir og forgangsraða á rangan hátt þegar hæfasta fólkinu er vísað á dyr en meðalmennskan fær að ráða ríkjum.

Lesa meira Metnaðarlausir fréttamiðlar

Kæri félagi.

Nú líður senn að aðalfundi Borgarahreyfingarinnar.
Við minnum því á að allar tillögur að breytingum samþykkta BH þurfa að liggja fyrir kl.23:59 föstudaginn 30. júlí, eða eftir tvo daga.

Tillögurnar skulu sendar á: Þetta netfang er varið gegn spami, þú þarft að hafa JavaScript virkt til að sjá netfangið

Þegar allar tillögur hafa verið mótteknar munu þær verða birtar á heimasíðunni til að allir félagsmenn geti kynnt sér þær fyrir aðalfundinn.

Samþykktir BH eru öllum aðgengilegar á heimasíðunni.

Lesa meira Tillögur að breytingum samþykkta BH

Borgarahreyfingin og Hreyfingin lýsa yfir fullum stuðningi við Björk Sigurgeirsdóttur fulltrúa sinn í nefnd um erlenda fjárfestingu. Nefndin klofnaði í afstöðu sinni þar sem um málamyndagjörning var að ræða og sniðgöngu á þeim íslensku lögum sem banna aðilum utan EES að fjárfesta í orkufyrirtækjum.

Lesa meira Yfirlýsing frá Borgarhreyfingunni og Hreyfingunni